Қарағанды облысының 752 мыңнан астам тұрғыны МӘМС жүйесінде жеңілдік санатындағы "сақтандырылған" мәртебесіне ие

Қарағанды облысында жеңілдік санаты қатарында 750 мыңнан астам адам бар, олардың жартысы – 18 жасқа дейінгі балалар, 202 мыңға жуығы – зейнетақы төлемдерін алушылар, 50 мыңнан астам азамат – үш жасқа дейінгі балаларды тәрбиелеп отырған жұмыс істемейтін ата – аналар, тағы 40,5 мың адам-күндізгі оқу нысанындағы студенттер.

МӘМС жүйесінде азаматтардың 15 жеңілдік санаты бар, олар үшін медициналық сақтандыруға жарналарды мемлекет жүзеге асырады. 

Сондай-ақ, Жұмыспен қамту орталықтарында жұмыссыз ретінде тіркелген өңірдің 9,5 мың тұрғыны жеңілдік санатына жатады және медициналық сақтандыру жарналарынан босатылды.

Егер олар осы мәртебеге ие болса, оларға шегерім жасаудың қажеті жоқ. Жеңілдік азаматтар толық жұмысқа орналасқанға дейін бірнеше айға сақталады.

Мемлекет сақтандырғандардың қатарында 14 мың жұмыс істемейтін жүкті әйелдер бар: жеңілдікті санатқа әйелдер тіркелген жері бойынша емханада жүктілік бойынша есепке қойылғаннан кейін және соңғы 2 айда олар үшін зейнетақы және әлеуметтік аударымдар түспеген жағдайда жатады.

– Жеңілдікті санатқа жататын азаматтарды мемлекет жеңілдікті санат мерзімі аяқталғанға дейін сақтандырады. Олар медициналық сақтандыруға жарналар мен аударымдар жасамайды, бұл ретте медициналық көмектің толық пакетіне қол жеткізе алады, – деп атап өтті медициналық сақтандыру қорының Қарағанды филиалының бөлім басшысы Светлана Щёткина. – Кейбір санаттарда жеңілдік мәртебесі белгілі бір мерзімге берілетініне назар аударамыз: студенттерге – оқудың соңына дейін, декреттегі жұмыс істемейтін әйелдерге – баласы 3 жасқа толғанға дейін немесе жұмысқа шыққанға дейін және т. б.

Жеңілдік кезеңі аяқталғаннан кейін "сақтандырылған" мәртебесін сақтау үшін азаматтар БЖТ-ны өз бетінше аударуы керек немесе мұны жұмыс беруші жасауы керек.

Медициналық сақтандыру қорының Қарағанды филиалының ақпараты бойынша