Қарағандылықтарды кітап фестивалінде күтеді

Қарағанды облысының кітапханалары 23 қыркүйекте сағат 11:00-де "KitapTime – 2022" жалпы республикалық кітап фестивалінің ашылуына шақырады. Іс-шара музкомедия театрының алдындағы алаңда өтеді.

"23 қыркүйекте баршаңызды "KitapTime – 2022" атты тұңғыш жалпыреспубликалық кітап фестивалінің ашылуында күтеміз. Тек сіздер үшін ғана "Жанасудың алты нүктесі", "Білгірлер сайысы" кітабының тұсаукесері: зияткерлік ойын-викторина, QARAGANDY PARTY – ақындық алаң, "Кітаптармен дос болайық" – балаларға арналған ашық микрофон" өтеді, – деп Қарағанды кітапханалары оқырмандарға үндеу тастады.

Фестиваль бағдарламасында сонымен қатар:

– "Білімнің бас құрылымы – КІТАП": Ахмет Байтұрсынов қонақтарды қарсы алады;

– "Мені өзіңмен бірге алып жүр" - кітап сатылымы;

- "Оқу мәзірі!" – Әдеби киіз үйлер;

- BookCrossing;

- "Киіз үй құрастыр!" шеберлік сабағы.

Фестиваль Қазақстан Республикасы Мәдениет және спорт министрлігінің қолдауымен Ұлттық академиялық кітапхананың бастамасымен ұйымдастырылды.