Шет ауданында өрттерді сөндіру үшін төрт "Ермак" арнайы қондырғысы сатып алынды

Шет ауданында өрт сөндіру үшін "Ермак" автоцистерналары бар арнайы моторлы тіркемелер сатып алынды. Олар Ақсу-Аюлы және Өспен, Ақшоқы, Көктіңкөл ауылдық округтері әкімдіктерінің балансына берілді.

"Ермактар" аудандық бюджет қаражатына сатып алынды. Тіркемелерде 1000 литрлік цистерна, сорғы құрылғысы және суды шашыратуға арналған арнайы қондырғы бар.

– "Ермак" – модульді шағын өрт сөндіру жинағы. Орман және дала өрттеріне арналған өрт – техникалық қару-жарақ жиынтығымен жабдықталған тіркеме, тіркеме басындағы фаркоп жеңіл автокөлік жетегінде жүру үшін мүмкіндік береді. Ішінде көлемі 1000 литр болатын полиэтилен ыдыс, 4 тактілі мотопомпа, Жоғары қысымды шашыратуға арналған тапаншасы бар автономды аппарпат, – дейді аудан әкімінің орынбасары Дәурен Қарсембаев. – Біз "Ермак" қондырғысын әкімдіктердің балансына бердік. Оларды мобильді топтар пайдаланады.

Алдағы уақытта осындай өртке қарсы құрылғылар барлық ауылдық округтер мен кенттерге берілетін болады, деп қосты спикер.

– Бұл тіркемелерді кез-келген жеңіл көлікке бекітуге болады, ал қол жетпейтін жерлерде артқы жағына арнайы сөмкелер іліп, су шашыратуға болады. Біз олардың кенттер мен ауылдық округтерге дала өрттеріне қарсы тұру үшін берілгеніне қуаныштымыз. Сондай-ақ, "Ермаков" құрамында арнайы киім, өрт сөндіруге арналған брезент бар, – деп атап өтті Көктіңкөл ауылдық округі әкімдігінің бас маманы Талғат Шахмин.

Шет ауданында барлығы екі өрт сөндіру бөлімі, төрт өртке қарсы бекет бар. Сондай-ақ барлық ауылдық округтерде өртке қарсы ерікті құралымдар бар.