Абай атындағы Қарағанды кітапханасы жас оқырмандарға ертегілер әлеміне шомуға шақырады

Абай атындағы Қарағанды облыстық балалар кітапханасында 12 және 15 қыркүйекте театр актерлерінің қатысуымен "дауыстап оқу" өтеді.

Жас оқырмандар ертегілер мен таңғажайып әңгімелер әлеміне еніп, сахна өнерінің қайраткерлеріне сұрақтар қоя алады.

12 қыркүйек күні сағат 11:00-де балалар кітапханасына келушілер үшін С. Сейфуллин атындағы Қазақ драма театрының актрисасы Әнел Сағындықова өнер көрсетеді. Ол балаларды заманауи авторлардың шығармаларымен таныстырады және өз мамандығы туралы айтып береді, сондай-ақ жас оқырмандардың сұрақтарына жауап береді.

15 қыркүйек сағат 15:00-де балалар К. С. Станиславский атындағы орыс драма театрының актері Кирилл Пловайкомен танысады. Ол ирландиялық жазушы Малахия Дойлдың "Молли және дауыл теңізі" атты шығармасын оқиды. Сондай-ақ, балалар оған сұрақтарын қойып, естелік суретке түсе алады.

– Алдымен біз "дауыстап оқуды" өзіміз жүргіздік. Кітапханашылар балаларға түрлі шығармалар оқыды. Бұл тәсіл олардың қызығушылығын тудырды және біз "ертегілер мен әңгімелер сағаты" деп аталатын жобаны жасауға шешім қабылдадық, танымал адамдар мен мұғалімдерді шақыра бастадық. Балалар олармен әңгімелесіп, кітап оқуға ықыласпен кіріседі, – деп атап өтті Абай атындағы облыстық балалар кітапханасының кітапханашысы Ольга Вольф.

Биылғы жылы кітапханада осындай 10 кездесу жоспарланған. Әрбір қонақ өзінше бірегей болады, деп уәде береді кітапхана қызметкерлері.