Ахмет Байтұрсыновтың 150 жылдығына орай оның 12 томдық еңбектер жинағы жарық көреді
Жыл соңына дейін Ахмет Байтұрсыновтың 12 томдық шығармалар жинағын басып шығарып, оны еліміздің кітапханаларына тарату жоспарланып отыр. Іс-шара көрнекті ағартушы және саяси қайраткердің 150 жылдығына орайластырылған.
Сондай-ақ мерейтой аясында Ахмет Байтұрсыновтың өмірі мен қызметі туралы толықметражды көркем фильмнің түсірілімі жоспарланған.
Биыл лингвист ғалым мен қоғам қайраткерінің есімі бір ауылға, 200-ден астам көше мен 39 мектепке, әуежай мен мұражайға берілді. Іс-шаралар шетелде де жоспарланған. 2021 жылы ЮНЕСКО-ның Бас конференциясында қазақ ақыны мен педагогының мерейтойлық күнін осы ұйымның атаулы күндерінің халықаралық күнтізбесіне енгізу туралы шешім қабылданды.