Қарағандылық ақын Қырғызстаннан келген халықаралық айтыскерлер байқауынан жеңіспен оралды

Ақын және "Арқа" ақындар мектебінің негізін қалаушы Айтбай Жұмағұл Қырғызстанда өткен халықаралық айтыскерлер байқауында бас жүлдені жеңіп алды.

Бішкекте Қырғызстанның тәуелсіздік күніне және халық әртісі Замирбек Үсенбаевтың 70 жылдығына арналған қырғыз-қазақ айтысы аяқталды.

Халықаралық жарысқа екі елден 40-қа жуық суырып салма ақын қатысты. Олар сыбайлас жемқорлықтың өзекті тақырыптарын, мемлекеттердің экономикалық мәселелерін қозғап, жекпе-жектің көп бөлігін қырғыз-қазақ достығына арнады.

Бас жүлдені жеңіп алған Айтбай Жұмағұл қарсыластарының лайықты болғанын атап өтті. Қобалжуға қарамастан, ол қырғыз көрерменін өткір сөзімен жаулап алды.

Қарағандылықтар айтысты онлайн-режимде бақылады.

– Әріптестеріме, достарыма көрсеткен қолдауы үшін өте ризамын. Олардың жылы сөздері мен шынайы қуанышы мен үшін барлық марапаттарға қарағанда қымбат, – деді Айтбай Жұмағұл.

Айта кету керек, суырып салма ақындар мен айтыскерлердің өнері ЮНЕСКО-ның материалдық емес мәдени мұралар тізіміне енген.