Қарағандының Кеншілер мәдениет сарайы тегін студиялар мен үйірмелерге жазылуды бастады

Қарағандының Кеншілер мәдениет сарайы шығармашылық ұжымдарға жазылу науқанын ашты. Студияларда, үйірмелерде және клубтарда сабақтар тегін өтеді. Ол туралы толығырақ 4 қыркүйекте білуге болады – алдағы жексенбіде мәдениет үйінде Ашық есік күні өтеді.

Ұйымдастырушылар оқушылар мен олардың ата-аналарын шараға қатысуға шақырады. Ашық есік күні сағат 11.00-де басталып, 15.00-ге дейін жалғасады. 11:30-да сахнада көркемөнерпаздар ұжымдары өнер көрсетеді.

Кеншілер мәдениет сарайында хормен ән айту және вокал үйірмелері, би ұжымдары, домбыра және вокалдық-аспаптық ансамбльдері, театр үйірмелері, қолданбалы өнер студиясы, шахмат әуесқойлары, йога клубтары және тағы басқалар жұмыс істейді.

Қосымша ақпаратты мына телефондар арқылы білуге болады: (8-7212) 41-18-01, 41-27-26, 8-702-164-81-87.