Жеңіс Қасымбек газ тұтануына байланысты зардап шеккен тұрғындармен кездесті

Жеңіс Қасымбек Теміртау қаласында газ-ауа қоспасының тұтануына байланысты зардап шеккен үйдің тұрғындарымен кездесті. Сондай-ақ, үйге қатысты атқарылып жатқан жұмыстар туралы есеп тыңдады.

Үш компания үйге техникалық тексеру жүргізуде – "КазМИРР" ЖШС, "Астана Технадзор" ЖШС, "ТрансИнжиниринг" ЖШС.

ҚазМИРР директорының айтуынша, үй қалпына келтірілуге жатады, төтенше жағдай орын алған кіреберіс кейіннен қалпына келтіріліп, бөлшектеледі. Келесі аптада бүкіл үй бойынша толық қорытынды жасалады.

Қазір құрылысшылар қабырғаларды нығайта бастады. Осыдан кейін тұрғындар пәтерлерден жеке заттарын ала алады. Бұдан кейінгі іс-қимылдар сараптама қорытындысына байланысты қабылданатын болады.

– Мен сіздермен шешілуі қажет шұғыл мәселелерді талқылағым келеді, – деді Жеңіс Қасымбек тұрғындарға. – Мұнда зерттеу жүргізетін компаниялардың өкілдері орналасқан. Қорытынды келесі аптада болады. Осыдан кейін біз тағы да осында келіп, әрі қарай не істеу керектігін шешеміз. Жергілікті әкімдікке барлық тұрмыстық мәселелеріңізді жедел шешуді тапсырдым.

Тұрғындарға қажетті көмек көрсетілуде. Барлық 80 пәтерде тұратындардың базасы құрылған: 155 адам, оның ішінде 12 қарт, 18 жасқа дейінгі 15 бала. Жедел штаб тәулік бойы жұмыс істейді.

Көп қабатты үйдің тұрғындары қоныстанды. Теміртау политехникалық колледжінің жатақханасынан уақытша тұрғын үй берілді. Бір бөлігі туыстары мен жалдамалы пәтерлерге қоныстанды. Теміртау әкімдігі барлық шығындарды өтейді. Сондай-ақ, пәтерлерді қалпына келтіруге де көмек көрсетіледі.

Естеріңізге сала кетейік, 16 тамызда Теміртауда Металлургтер даңғылындағы 5/2 мекенжайындағы бес қабатты үйде газ-ауа қоспасының тұтануы салдарынан подъездердің бірінде қабатаралық құлау орын алды. 4 адам зардап шекті, олардың үшеуі медициналық көмек көрсетілгеннен кейін амбулаториялық емделуге жіберілді. Үйден 53 адам, оның ішінде 7 бала эвакуацияланды. Төтенше жағдай орнында жедел штаб құрылды.