Қарағанды облысының жас футболшылары Қазақстан чемпионатында екінші орын иеленді

Қарағанды облысы Шымкент қаласында өткен 2009 жылы туылған жасөспірімдер арасындағы футболдан ел чемпионатында екінші орын алды. Біріншілікке барлығы 12 команда қатысты.

Біздің өңірдің намысын чемпионатта "Жастар" облыстық мамандандырылған балалар мен жасөспірімдер олимпиадалық резерв мектебінің 18 жас футболшылары қорғады.

– Чемпионат 10 күн өтті, жас футболшылар командасы аға жаттықтырушылар Олег Миляев пен Алексей Пацуковтың басшылығымен жақсы нәтиже көрсетіп, екінші орынға ие болды. Өткен жылы олар ел чемпионы атанды. Олардың әлеуеті зор, – деп атап өтті "Жастар" ОРМБЖМ басшысы Балғабай Нұрланов. – Біздің олимпиадалық резерв мектебімізде қазір 7 жастан 18 жасқа дейінгі 1500 бала жаттығады. Сабақтар тегін, оларды дәрежесі бар жоғары білікті жаттықтырушылар жүргізеді. Біздің мектептің филиалдары облыстың барлық қалалары мен аудандарында бар.

Футболдан облыстық "Жастар" Олимпиада резервінің мамандандырылған балалар мен жасөспірімдер мектебі 2000 жылы ашылды. Ол кезде "Рахат" облыстық балалар мен жасөспірімдер спорт мектебі деп аталған.

Бүгінгі таңда ОРМБЖМ балалар мен жасөспірімдерді спортпен және дене шынықтырумен айналысуға және өңірде футболды дамытуға жаппай тартуға басты назар аударады. Жас футболшылар "Шахтер", "Литейщик" стадиондарының алаңдарында және "Аманат Арена", "Адэль", GGG спорт кешендерінің спорт залдарында жаттығады.