Теміртауда "Бастау Бизнес" жобасының түлегі қуыршақ театрын ашты

Теміртауда кәсіпкер Наталья Кухарчук қуыршақ театрын, тігін және пішу курстарын және шығармашылық шеберхана ұйымдастырды. Бұл жобалардың барлығы "Бастау Бизнес" жобасының және бизнесті ашу мен дамытуға алынған гранттардың арқасында мүмкін болды.

Наталья Кухарчук әрқашан өзінің қуыршақ театрын ашуды армандаған. "Тұрмысы төмен отбасы" мәртебесінде болғаннан кейін жағдайды өзгерту керек екенін түсіндім, дейді ол.

– 2019 жылы мен "Бастау Бизнес" жобасы бойынша оқып, "Еңбек" бағдарламасы бойынша 500 мың теңге көлемінде грант алдым, – дейді Наталья Кухарчук. – Тігін машинасын, қуыршақтар мен дыбыс бағандарын сатып алуға жеткілікті болды. Үстінен тағы да қаражат қосуға тура келді. Ең бастысы – балалар мен достарымның қолдауы. Бұл мен үшін өте қымбат.

Спектакльдерге арналған қуыршақтар тігу керек болғандықтан, Наталья тігін курстарын ашу туралы ойлана бастаған. Оның бұл бастамасын ұлы қолдады. Облыс әкімінің бизнесті дамытуға берген грантын алып, кестелеу және өнеркәсіптік машиналар мен өнеркәсіптік оверлок сатып алды.

Натальяның тігін курстарында бүгінде 10–18 жас аралығындағы қыздар мен ұлдар оқиды.

"Тук" қуыршақ театрына 6 жастан 18 жасқа дейінгі балалар келеді.

Біраз уақыттан кейін шығармашылық шеберхана ашылды. Мұнда балалар бисермен, жүнмен және кестемен айналысады. Үйірмелерде ақылы да, ақысыз да айналысуға мүмкіндік бар.

Қазір бес адам жұмысқа орналастырылды. Бірақ Наталья мұнымен тоқтамайды.

– Тағы бір ойымды іске асырғым келеді. 4 жастан 6 жасқа дейінгі балаларды қуыршақтармен жұмыс істеуге үйрету, – дейді әйел. – Олар ересектер театрындағыдай экран үшін жұмыс істемейді. Бұл телешоуға көбірек ұқсайды. Тамыз айында жиын болады. Сондай-ақ, үш жасқа дейінгі балаларға арналған интерактивті қойылымдарды іске қосамыз. Балалармен бірге ата-аналар да қатыса алады.

Бизнеспен айналыса отырып, Наталья қайырымдылыққа көп уақыт бөледі. Ерекше балалар мен қарттар үйінің қонақтары үшін пандемияға маскалар, ойыншықтар, жастықтар тігілді.

Оқушылармен бірге тегін қойылымдар ұйымдастырылады. "Ангел мой" ерте даму орталығының балалары театр үйірмесінің тұрақты қонақтары.

Наталья Instagram-ды жұмыс туралы есеп деп санайды. Ол өзінің жетістіктерін @modelirovanie.kroika және @tuk_temirtau парақшасында жариялайды.

Қазіргі уақытта кәсіпкер жақын маңдағы елді мекендерде үйірмелер ашу туралы ойлануда. Әзірге уақыт пен қаржы жеткіліксіз деп шағымданады.