Қарағандыда әйелдерді түрлі мамандықтарға тегін үйретеді

Қарағандыда әйелдерге арналған тегін курстар басталды. Бірнеше жүз үміткердің ішінен 54 қатысушы таңдалды. Олар кондитер, шаштараз және тігінші мамандықтарына оқытылады.

Курстарды ӨКП жанындағы әйелдер кәсіпкерлігін дамыту орталығы ұйымдастырды.

– Бастаманы Қазақстандағы БҰҰ даму бағдарламасы жүзеге асырады және ол Азия Даму Банкінің қаражаты есебінен қаржыландырылады. Жоба еліміздің әйелдеріне білім алуға, дамуға және қолдау алуға мүмкіндік береді, – дейді әйелдер кәсіпкерлігін дамыту орталығының жетекшісі Арайлым Серікбай.

Жоба халықтың табысын арттыруға бағытталған және Мемлекет Басшысының тапсырмаларын орындауға ықпал етеді, деп атап өтті ұйымдастырушылар. Курсанттардың арасында негізінен көп балалы аналар мен осал санаттағы өкілдер бар. Оқудан кейін олар өз бетінше ақша таба бастайды.

Көп балалы ана Эльвира Гильмидинова наурыз айында тегін тігінші курстарына жазылды. Қарағандылық жаңа туған нәрестелерге арналған киім желісін қолжетімді бағамен іске қосқысы келеді.

– Оқыту негіздерден басталады. Бес күнде бірнеше практикалық сабақтар өтеді. Курстар мүлдем тегін. Барлық қажетті материалдар ұсынылады, – деп атап өтті Қарағанды облысы Кәсіпкерлер Палатасының қаржылық емес қолдау бөлімінің бастығы Меруерт Қасымова.

Қарағанды облысының Кәсіпкерлер Палатасы баспасөз қызметінің ақпараты бойынша