Жастар қоры қарағандылықтар үшін тегін танымдық-ойын-сауық іс-шараларын ұйымдастырады
"Через Вселенную" жастар қоғамдық қоры Қарағанды тұрғындары мен қонақтарын тегін танымдық-ойын-сауық іс-шараларына шақырады. Барлық шаралар Орталық саябақтағы қайың тоғанында өтеді.
Дүйсенбі, сәрсенбі және бейсенбі күндері сағат 12:00-ден 13:00-ге дейін мектеп жанындағы лагерьлердің балалары ойындар мен викториналарға қатыса алады.
Сейсенбі, бейсенбі және сенбі күндері сағат 15:00-ден 17:00-ге дейін гитара әуесқойлары шеберлік сабақтарына қатысады. Жаңадан келген музыканттар аспапта ойнаудың қыр-сырымен танысып, бірнеше жаңа шығармаларды үйренуді жалғастыра алады.
Бейсенбі, жұма және сенбі күндері сағат 19:00-ден 22:00-ге дейін саябақтың ескі сахнасында музыканттардың өнерін тыңдауға болады. Әр түрлі жанрдағы композициялар орындалады.
– Барлық музыканттар – біздің қордың еріктілері. Биыл бізге 13 жыл толды, бастапқыда біз музыкалық қор ретінде жұмыс істей бастаған болатынбыз, – дейді "Через Вселенную" ЖҚБ жетекшісі Данияр Құрманов. – Осы уақыт ішінде төрт музыкалық ұжым құрылды. Балалардың бөлісері аз емес. Олардың тәжірибесі мен білімі жеткілікті.
Дүйсенбі, сәрсенбі және жұма күндері сағат 22:00-ден бастап телескоптың көмегімен ғаламды шарлау мүмкін болады. Бұлттылық пен тұманға байланысты оқиға тоқтатылуы мүмкін.
Дүйсенбі, сәрсенбі және жұма күндері сағат 18:30-дан 20:00-ге дейін Данияр Құрманов сауықтыру сабақтарын өткізеді.
Барлық жоспарланған іс-шаралар сыртта ауа-райы жақсы болған жағдайда өтеді.
– Біз барлық іс-шараларды тегін өткізетін боламыз. Бірақ адамдар "Ёлки не палки" экожобасының есебіне қайырымдылық жарна сала алады. Себебі біздің негізгі мақсатымыз – мүмкіндігімізше көбірек қарағандылықтарға қаланы көгалдандыру жобасы туралы айтып беру, – дейді Данияр Құрманов. – "Ёлки не палки" жобасын біз 5 жыл бұрын іске қостық. Осы уақыт ішінде 700-ден астам көшет отырғызылды. Оның 250-і осы жылдың көктемінде білім бөлімімен бірге "Сынып ағашы" жобасы бойынша жүзеге асырылды. Толығырақ біздің Instagram @elkinepalki.krg.
☎ Анықтама телефоны: +7-701-445-44-34.