Қазақстанда түсірілген фильм Тарковский атындағы "Зеркало" фестивалінің байқауына енді
Андрей Тарковский атындағы "Зеркало" Халықаралық кинофестивалінің негізгі байқауында сегіз фильм ұсынылған, олардың ішінде Қазақстан, Сербия, Греция, Колумбия, Ресей және басқа елдердің картиналары бар.
Фестиваль 22–27 шілде аралығында Иваново облысында өтеді. Ол Тарковскийдің туған қаласы Юрьевцте режиссердің туғанына 90 жыл толуына арналған концертпен ашылады. Халықаралық байқау дәстүрлі түрде бүкіл әлемнің авторлық киносынан құралады.
Қазақстан режиссер Асқар Ұзабаев пен продюсер Баян Алагөзованың "Бақыт" фильмін ұсынады.
Картина тұрмыстық зорлық-зомбылық мәселесіне арналған.
Бағдарламаға Ресейден келген Тина Мастафаеваның "Тембот" және Мария Игнатенконың "Прозрачно-белый", Сербиядан Милош Пушичтің "Жұмысшы табының батырлары", Грециядан келген Христос Пасалис пен Силас Цумекастың "Қала және қала" фильмдері және басқа да жобалар кірді.
Қазылар алқасының төрағасы авторлық киноның классигі, Тарковскийдің ВГИК бойынша сыныптасы, режиссер Әли Хамраев болады.