Теміртаудағы облыстық спартакиадада түрлі мамандықтағы 350 әйел спорттың жеті түрінен жарысады

7 шілдеде Теміртауда "Дені сау әйел – дені сау ұлт" ұранымен дәстүрлі X облыстық әйелдер спартакиадасы басталды.

Үздік атану үшін 2001 жылы туған өңірдің алты қаласы мен жеті ауданының 350 өкілі бақ сынайды.

Біріншілік бағдарламасында спорттың жеті түрі көрсетілген: волейбол, үстел теннисі, дойбы, тоғызқұмалақ, асық ату, президенттік көпсайыс, стритбол.

Абай ауданының командасы жарысқа бірінші жыл қатысып отырған жоқ. Оның спортшылары бірнеше рет жеңімпаз және жүлдегер атанды.

– Мен президенттік көпсайыста бақ сынайтын боламын. Жалпы, мен жеңіл атлетикадан жаттықтырушымын, бірақ біздің командада дәрігерлер де, педагогтар да бар, – дейді Абай ауданының спортшысы Сәуле Қожахметова. – Біз бірінші жыл қатысып отырған жоқпыз. Біз үшін ең мықты қарсыластар – Қарағанды мен Теміртау командалары. Бірақ командамыз жақсы дайындалды және жеңіске жетуге тырысамыз! Барлығына әділ күресіп, жеңіске жетуді тілеймін.

Жарыстың ашылуына "Әлем елшісі" атағының иегері, велоспорттан КСРО спорт шебері, марафон жарыстарының белсенді қатысушысы Любовь Асанова қатысты.

– Менің ойымша, қозғалыс – бұл өмір. Спортты өте жақсы көремін. 59 классикалық марафон, 51 жартылай марафон, 30-ға жуық супермарафон жүгірдім. Теледидар алдында көп отыра бермей, көбірек қозғалу керек. Ата-аналар балаларға үлгі көрсетуі тиіс. Жүгіру, секіру, жаттығу жасау болсын, қандай спортпен айналысатыныңыз маңызды емес, ең бастысы денені шынықтыру керек. Спартакиадалардың жандануы – бұл тамаша идея. Жарыс жыл сайын өткізілгенін қалаймыз, – дейді Любовь Асанова.

Жарыс жеңімпаздары мен жүлдегерлері грамоталармен және медальдармен, командалар кубоктармен және дипломдармен марапатталады.

Спартакиаданың салтанатты жабылуы 9 шілде күні сағат 15:00-де "Тау" спорт кешенінде өтеді.