Қарағанды облысының оқушысы республикалық Мағжан оқуларында үшінші орын алды

Шет ауданының 10 сынып оқушысы Толғанай Мейіржанқызы Мағжан оқуларында үшінші орын алды. Петропавлда ғылыми-шығармашылық байқаудың республикалық кезеңі өтті. Оған еліміздің барлық өңірлерінен жалпы білім беретін мектептердің 7–11 сыныптарының 51 өкілі қатысты.

Барлық қатысушылар –  Мағжан оқуларының облыстық кезеңінің жеңімпаздары.

Республикалық ғылыми-шығармашылық байқау жыл сайын өткізіледі. Оның мақсаты – өскелең ұрпақты Мағжан Жұмабаев мұрасымен таныстыру және дарынды оқушыларды қолдау.

Жас таланттар үш номинация бойынша жарысты:

- "Өлең – менің Шолпаным, Айым, Күнім" – Мағжан Жұмабаевтың шығармаларын мәнерлеп оқу сайысы;

- "Ақын да бір бала ғой айға ұмтылған" – ақынның шығармаларын орындау;

- "Жасынан оқу оқып, өнер қуған..." – ғылыми-жобалау жұмысы (Мағжан Жұмабаевтың шығармашылығын зерттеу).

Байқау қорытындысы бойынша Шет ауданы Ж.Ақылбаев атындағы мектеп-гимназияның 10-сынып оқушысы Толғанай Мейіржанқызы "Жасынан оқу оқып, ғылым қуған..." номинациясында үшінші орынға ие болды. Жетекшісі – Бану Түсіпханова.

Байқаудың танымдық сипаты да болды: қатысушылар Мағжан Жұмабаев туған Сартомар ауылына барып, мектеппен және мұражаймен танысып, ақынның ескерткішіне гүл шоқтарын қойды