Қарағанды облысындағы «Орталық» өңірлік қолбасшылығының қатары 30 жас офицермен толықты

Қазақстан Республикасы Ұлттық ұланы «Орталық» өңірлік қолбасшылығында 30 жас офицер қызметке кірісті.

«Орталық» ӨҚ қолбасшысы генерал-майор Сәкентай Шеқарбеков келушілер алдында сөз сөйледі:

— Сіздерге, яғни қызметке жаңадан тағайындалған офицерлерге командирлік қабілеттеріңізді көрсетуге әрі шыңдауға барлық мүмкіндік жасалып отыр. Әрқайсыңыз офицерлік жолды адал әрі абыроймен өтіңіздер! Ата-аналарыңыздың, академия ұстаздарының сенімін ақтап, мамандықтарыңызға адал болыңыздар!

Қызмет етуге келген Ұлттық ұлан академиясының түлектерінің арасында Данила Горбуль бар, оған бірінші офицерлік погондарды ел Президенті Қасым-Жомарт Тоқаев табыс етті. Жас жігіт оқуын үздік бітірді.

— Бізге үлкен үміт артылып отыр, себебі біз сарбаздарды Отан қорғауға үйретіп, алдыңғы шепте жеке үлгі болуымыз керек. Әрбірімізге Отан алдында адал қызмет етуге тілектеспін, — деді лейтенант Данила Горбуль.

Жас офицерлер үшін оқу-жаттығу жиындары өткізіліп, олар қызметке тағайындалды.

ҚР Ұлттық ұланы "Орталық" өңірлік қолбасшылығының баспасөз қызметінің ақпараты бойынша