Қарағандыда жер асты өткелдерін күрделі жөндеу қазан айының соңында аяқталады деп жоспарлануда

Қарағандыда ОӘД және Кеншілер мәдениет сарайының жер асты өткелдеріне күрделі жөндеу жұмыстары жалғасуда. Қала тұрғындарының жайлылығы үшін мердігерлер жаяу жүргіншілер трафигіне кедергі келтірмеу үшін өткелдені екі кіреберісті ғана жауып тастады.

Жер асты өткелдерін жөндеу 25 мамырда ескі баспалдақ аралықтарын бөлшектеуден басталды. Баспалдақ сатыларын ауыстырудан басқа, жер асты жолдарында нөсерлі кәріз науалары, жарықтандыру жаңартылады. Сондай-ақ, өткелдерде бейнекамералар орнатылмақ. Халықтың азмобильды топтарына қолжетімділікті қамтамасыз ету үшін көлбеу көтергіш платформалар орнатылады. 

– ОӘД-нің кіру топтары мен өту парапеттері гранитті таспен қапталатын болады. Біз бірінші партияны әкелдік. Гранит өте төзімді және сапалы материал. Едендер мәрмәр ұнтақтардан болады. Сондай-ақ, өткелдің іші жарық және жайлы болу үшін көптеген жарық шамдарын орнатамыз. Қабырғалардың бірінде 3D-сурет болады, – деді "Construction Training Resources" ЖШС ӨТБ инженері Владислав Животов.

Сондай-ақ, жерасты өткелінің ішінде бутиктердің терезе мен есік блоктары ауыстырылады. Барлығы бір стильде жасалады.

"Алғаш салынған күнінен бастап жерасты өткелінде айтарлықтай жөндеу болған жоқ. Бұрын олар жеке тұлғалардың меншігінде болатын, қазір өткелдер мемлекет балансына берілді. Бұл оларды жөндеу және ретке келтіру үшін жасалды", – деп атап өтті Қарағанды әкімдігінде.

Жер асты өткелдерін күрделі жөндеуді қазан айының соңында аяқтау жоспарлануда.