Қарағандылық спортшы семсерлесуден Азия чемпионатының жүлдегері атанды
Семсерлесуден Сеулде өткен Азия чемпионатында жеке жарыстардың бірінші күні Қарағанды облысы жоғары спорт шеберлігі мектебінің өкілі семсерші Артем Саркисян қола медальға ие болды.
Қазақстанның ұлттық семсерлесу Федерациясында атап өткендей, қола марапат Қарағанды өкіліне оңайлықпен келген жоқ.
1/32 финалда Саркисян Азиядағы төртінші нөмірлі және FIE Халықаралық рейтингінің топ-16 құрамына кіретін Иран өкілі Али Пахдаманды 15:14 есебімен жеңді.
Содан кейін 1/16 финалда қарағандылық спортшы Лин Ксиаоны (ҚХР) 15:12 есебімен жеңіске жетті. Ширек финалда жапондық спортшы Мао Кокубодан бір соққы басып түсіп, жеңді (15: 14).
Бірақ жартылай финалда Артем Азия біріншілігінің жеңімпазы мен қожайыны Бонгил Гудан 10:15 есебімен ұтылды.
"Марапат барлық семсерлесу үшін, әсіресе ерлер семсері үшін өте құнды, өйткені ол ересектер Азия чемпионатындағы ерлер семсерлесушілерінің үшінші жеке медалі болды. Артемге дейін Сергей Смирнов (2003 жылғы күміс, Чангмей, Таиланд) және Игорь Цель (2005 жылғы қола, Малайзия, Кота Кинабалу) осы формада тұғырға көтерілген болатын", — деп жазылған федерация парақшасында.