Қазақстандық университеттер пікірсайыс турнирлерінің жеңімпаздарына білім гранттарын береді

Биыл Қазақстанның алты жоғары оқу орны 12 пікірсайысшы түлекке білім грантын бөлді. Сондай-ақ турнирлерге қатысқаны үшін жастар грамоталармен, кубоктармен және 200 мыңнан 500 мың теңгеге дейін ақшалай сыйлықтармен марапатталады.

Пікірсайыс жарыстарының жүлдегерлері мен жеңімпаздары Satbayev University, Қорқыт Ата университеті, С. Аманжолов атындағы ШҚУ, Х. Досмұхамедов атындағы Атырау университеті, Тұран университетінде және Нархоз университетінде оқуға грант алды.

Бүгінде елімізде 120 мыңнан астам адамды қамтитын 6778 пікірсайыс клубы бар. Олардың арасында мектеп оқушылары да, студенттер де бар.

– Елімізде оқушылар мен студенттердің дебат қозғалысы белсенді түрде дамып келеді. Екі жыл бұрын 4405 мектеп және студенттік клубта 66 186 пікірсайысшы болса, бүгінде олардың саны 120 мыңнан асты. Олар сындарлы талқылау өнерін үйренеді, басқа дебатшылармен достық және сыйластық қарым-қатынас орнатады, сондай-ақ олар ой-өрісін кеңейтіп, шығармашылық белсенділіктерін арттырады. Биыл Балалар жылы аясында бес дебат турнирі ұйымдастырылады. Бүгінгі күні оның екеуі өткізілді. Оларға 500-ге жуық оқушы мен студент қатысып, кәмелетке толмағандарды оқыту, тәрбиелеу және олардың құқықтарын қорғаудың маңызды мәселелерін көтереді. Қазірдің өзінде екі турнир өтті, – деп түсіндірді ҚР БҒМ Республикалық қосымша білім беру оқу-әдістемелік орталығының директоры Раиса Шер.

Елімізде оқушыларды дебат өнеріне баулитын 100-ден астам маманнан тұратын тәжірибелі пікірсайысшылар пулы құрылды.

Колледждер мен мектептердегі дебат клубтарына көмектесу үшін студенттік десантшылар құрылуда. Педагогикалық университеттердің барлығы дерлік мектептерде тренингтер мен шеберлік сабақтарын өткізетін және турнирлерді ұйымдастыруға көмектесетін еріктілер топтарын құрады.

Қазақстан Республикасы Білім және ғылым министрлігінің мәліметі бойынша