Ақтоғай ауданындағы ісін жаңа бастаған кәсіпкерлер бизнес ашуға және дамытуға он бір грант алды

Ағаш өндеу шеберханасы, қымызхана және салтанатты шаралар ұйымдастыру студиясы – Ақтоғай ауданында әкім грантына арналған конкурстың жеңімпаздары анықталды. Биыл 11 жас кәсіпкер қаржылай қолдау алды.

Ләззат Баймұрат Ақтоғай кентінде киіз үй қымызханасын ашпақшы. Екі жыл бұрын бойжеткен "Бастау Бизнес" бағдарламасы бойынша оқудан өтіп, "Жылқы өсіру" жобасымен аудан әкімінің гранттар конкурсына қатысқан. Жеке кәсіп ашып, жылқылардың санын көбейтіп, екі жыл бойы аудан тұрғындарын саумалмен және қымызбен қамтамасыз етуде.

– Биыл мен бизнесті кеңейту үшін грантқа құжаттар тапсырдым. Біздің кентте кымызхана ашқым келеді. 800 мың теңгеге киіз үй, ұлттық ыдыс-аяқ және басқа да керек-жарақтарды сатып аламын. Әрине, мен өз қаражатымды қосамын. Біз тұрғындарды саумалмен және қымызбен емдегіміз келеді. Маусымның ортасында ашыламыз, – деді Ләззат.

22 жастағы Шыңғыс Саятұлы да осыдан үш жыл бұрын "Бастау Бизнес" бағдарламасы бойынша білім алған. Алайда ол бірден өз ісін бастай алмағанын айтады. Биыл ол Ақтоғайда салтанатты ұйымдастыру студиясын ашуды көздеп отыр.

– Мен 700 мың теңге көлемінде грант алдым. Бұл ақшаға ауыр түтін, суық фонтанға арналған жабдыққа тапсырыс бердім. Ақтоғайда ондай студиялар жоқ - мен бұл тауашаны зерттедім. Жұмысты осы айда бастаймын деп ойлаймын, – дейді Шыңғыс.

Осы жылы Ақтоғай ауданы әкімінің жалпы сомасы 8 миллион теңгеге гранттарын жаңадан бастаған 11 кәсіпкер алды.

Жақын арада ауданда ағаш ұстасы шеберханасы, кондитерлік цехтар, химиялық тазалау, шлак блоктарын шығару цехы, бірнеше қоғамдық монша, шағын тігін цехы пайда болады.