1 маусымнан бастап Қарағанды облысында жол қозғалысы ережелерін бұзуды тіркейтін тағы 20 АБК іске қосылады

«Қауіпсіз қала» жобасын іске асыру аясында 1 маусымнан бастап Қарағанды, Теміртау, Жезқазған, Сәтбаев және Саран автомобиль жолдарында 20 «Megacam.Argus-Қиылыс» аппараттық-бағдарламалық кешені пайдалануға беріледі. Камералар жол қозғалысы ережелерін бұзу фактілерін тіркейді.

Мәселен, Қарағандыда 10 камера, Теміртауда – төрт, Жезқазғанда, Сәтбаевта және Саранда әр қалада екі камерадан жұмыс істей бастайды. Қарағанды облысы полиция департаменті баспасөз қызметінің хабарлауынша, аппараттық-бағдарламалық кешендер жол белгілерімен немесе жүріс бөлігінің таңбаларымен ұйғарылған талаптарды сақтамау бойынша бұзушылықтарды автоматты түрде тіркеуге (ҚР ӘҚБК 601-бабы), сондай-ақ бағдаршамның тыйым салатын сигналына (ҚР ӘҚБК 599-бабы) өтуде жігерілген бұзушылықтарды тіркеуге арналған.

Кешендердің орналасу орындары:

Қарағанды қаласы:

- «15-ші магистраль – Попов көшесі» қиылысы (қозғалыстың екі жағынан);

- Н. Әбдіров даңғылы, Ахмет Байтұрсынұлы мектеп-гимназиясының жанында (қозғалыстың екі жағынан);

- «Бұқар жырау даңғылы – Затаевич көшесі» қиылысы (қозғалыстың екі жағынан);

- «Тәттімбет көшесі – Момышұлы көшесі» қиылысы (қозғалыстың екі жағынан);

- «Бұқар жырау даңғылы – Ермеков көшесі» қиылысы (қозғалыстың екі жағынан).

Теміртау қаласы:

– «Республика даңғылы – Момышұлы даңғылы» қиылысы (қозғалыстың екі жағынан);

– «Республика даңғылы – Сейфуллин көшесі» қиылысы (қозғалыстың екі жағынан).

Жезқазған қаласы:

- «Алашахан көшесі – Сейфуллин көшесі» қиылысы (қозғалыстың екі жағынан).

Сәтбаев қаласы:

«Абай көшесі – Сәтпаев көшесі» қиылысы (қозғалыстың екі жағынан).

Саран қаласы:

– «Жамбыл көшесі – Шахтерская көшесі» қиылысы;

– «Чкалов көшесі – Рабочая көшесі» қиылысы.