Ойыншықтар гаджеттерге қарсы: Қарағанды драма театры ертегінің премьерасына шақырады

Сәкен Сейфуллин атындағы Қарағанды академиялық қазақ драма театры кішкентай көрермендерді "Ойыншықтар оянғанда" ертегісінің премьерасына шақырады. Авторы әрі режиссері – Айдын Салбанов.

Премьера 1 және 2 маусымда сәйкесінше 15:00 және 11:00-де өтеді.

Бұл қуыршақ қойылымы гаджеттер баланың өмірінен қарапайым ойыншықтарды өмірінен ығыстыратыны жайлы баяндайды. Ата-аналар балаға туған күніне ұялы телефон алып береді. Содан кейін нәресте сыйлыққа толығымен назарын аударады. Ал ойыншықтар иесіне енді қажет болмай қалғанына ренжіді. Бір күні ұялы телефон баланы роботқа айналдырады және ол барлық ойыншықтарын гаджеттің бұйрығымен лақтырып тастайды. Бірақ ойыншықтар иесіне қауіп төніп тұрғанын түсінеді және оны құтқаруды шешеді. Олар телефонмен күреседі де, ақыры жеңеді.

Ертегінің соңында бала ұялы телефонға тәуелділіктен босатылады және қайтадан ойыншықтармен ойнай бастайды. Телефон тек мақсатына сай қолданылады – ол туыстарына қоңырау шалып, интернеттің көмегімен жаңалықтармен танысады.

"Бұл қуыршақ театрына алғашқы қадам. Балаларды қорғау күніне орай біз ертегі дайындадық. Кішкентай көрермендерді біздің алғашқы қуыршақ спектаклімізді көруге шақырамыз", – дейді театрда.