Үштілділік трендте: Жаңаарқа ауданында педагогикалық шеберлік байқауы өтті

Жаңаарқа ауданында жас мамандар арасында педагогикалық шеберлік байқауы өтті. Қатысушылар оқытудың әртүрлі әдістері мен тәсілдерін игеруде ғана емес, сонымен қатар тілдерді білуде де сайысқа түсті.

Байқау С. Сейфуллин атындағы орталық кітапхана жүйесі негізінде ұйымдастырылды. Оған жаратылыстану-математика бағытындағы сегіз жас пән мұғалімдері қатысты.

"Барлық қатысушылар жақсы дайындықтарын көрсетті. Олар өздерінің таланттарын, лингвистикалық қабілеттерін көрсетті. Бұл тәжірибе алмасудың бір түрі болды, өйткені педагогтардың әрқайсысы оқушыларды қызықтыруға мүмкіндік беретін өз тәсілдерін көрсетті", – деп атап өтті байқауды ұйымдастырушылар.

Бірінші орынды Е. Шаханов атындағы тірек мектебінің химия пәнінің мұғалімі Нұргүл Исина иеленді. Ол үш тілді – қазақ, орыс және ағылшын тілдерін меңгерген. Жас педагог ағылшын тілін жетік меңгергенін көрсете алды және өз жұмысында оқушыларды оқытудың заманауи технологияларын қолданады.