Теміртауда қала әкімінің грантына жастар арасында байқау жарияланды

Теміртауда қала әкімінің гранттары байқауына өтінімдер қабылдау басталды. Қаражат жастар кәсіпкерлігін дамытуға және қолдауға бөлінетін болады.

Байқауға қатысуға 18-29 жас аралығындағы ресми жұмыссыз теміртаулықтар, студенттер немесе 3 жылға дейінгі жұмыс тәжірибесі бар ЖК жіберіледі. Тағы бір шарт – үміткер қалада тұруы және конкурс жарияланған күнге дейін Теміртауда кемінде бір ай тұрақты тіркелемі болуы қажет.

Грант сомасы – 1 миллион теңге.

Іріктеуден кейін комиссия 20 бизнес-жобаға қолдау көрсетеді.

Өтінімдер 25 мамырға дейін электронды түрде қабылданады: granttemirtau2022@mail.ru.

Қосымша ақпарат алу үшін мына телефондарға хабарласуға болады: +7-708-968-80-58, +7-702-512-68-88.