Қарағандылық музыкант ұлттық аспаптарда орындаушылардың республикалық байқауында бірінші орын алды
Қарағанды мамандандырылған музыка мектеп-интернатының оқушысы Назерке Әбілхасенова Ерден Сандыбайұлы атындағы IV Республикалық ұлттық аспаптарда орындаушылар байқауында бірінші орынға ие болды. Шығармашылық жарыс Сәтбаев қаласында 22–23 сәуір аралығында өтті.
Байқау алты жыл бұрын өткізіле бастады, бастапқыда оған барлығы 12 қобызшы қатысты. Қазір оған фольклорлық аспаптардың құлағында ойнайтын музыканттар қосылды. Биыл қатысуға 16–40 жас аралығындағы 31 музыкант өтінім берді.
Байқаудың бірінші туры Ш. Ділдебаев атындағы Кеншілер сарайында өтті. Оған Сәтбаев, Алматы, Петропавл, Қарағанды, Нұр-Сұлтан, Тараз қалаларынан 26 музыкант іріктелді. Олардың 17-і екінші турға жолдама алды.
Финалистер арасынан дипломдармен және ақшалай сертификаттармен марапатталған жеңімпаздар анықталды. Байқаудың бас жүлдесін Алматыдан Әсел Қалдымұрат алды. Оған Сәтбаев қаласының әкімі Асқар Ыдырысов 300 мың теңгенің сертификатын табыс етті.
– Мен 21 жастамын, Құрманғазы атындағы Қазақ ұлттық консерваториясының үшінші курс студентімін. Қобызда ойнаймын. Мен байқауға қатысып, үлкен тәжірибе жинадым. Барлығы керемет дайындықпен келді. Мен көптеген әріптестеріммен танысып, өзара достасып кеттік. Байқауға ұзақ дайындалдым. Еңбегімнің осындай нәтиже бергеніне өте қуаныштымын, – деп бөлісті Әсел.
Бірінші орынды қарағандылық Назерке Әбілхасенова (қылқобыз) иеленді. Ол 200 мың теңге сертификатпен марапатталды.
– Мен қатты қобалжыдым, себебі қатысушылар арасында консерватория педагогтары, тәжірибелі музыканттар болды. Мен әлі мектепте, 11-сыныпта оқимын. Бірақ қорқынышқа қарамастан, мен сегіз нөмірден тұратын бағдарламамды жақсы орындадым. Әр турға төрт туындыдан ойнадым. Жеңіске деген сенімділік болған жоқ. Бірақ өзімді қолға алып, барымды салдым. Болашақта өз өмірімді музыкамен байланыстырғым келеді. Айлайда қайда оқуға түсетінімді әлі шешкен жоқпын, – деді Назерке.
Екінші орын мен 150 мың теңгенің сертификаттарын Қарағанды мен Сәтбаевтан қатысқан екі қатысушы жеңіп алды. Алматы мен Нұр-Сұлтан қалаларынан келген үш қатысушы үшінші орын мен 100 мың теңгенің сертификатына ие болды.