Фишингтен қорғау, электронды жатақхана: Теміртаудағы хакатонда студенттер қандай кейстерді талдады

Республикалық хакатон Қарағанды индустриялық университетінің базасында Теміртауда өткізілді. Жеті жоғары оқу орнынан он екі команда қатысты. Екі күн ішінде студенттер компаниялардың кейстерін талдады.

"Командаларға ақпараттық технологиялар саласында үш міндет қойылды. Қатысушыларға кәсіпорынға арналған жаңалықтар порталының веб-қосымшасын, фишингтік сайттарға қарсы іс-қимыл процесін автоматтандыру жүйесін, студенттік жатақханалардағы орындарды бөлуге арналған веб-қосымшаны әзірлеу ұсынылды. Кез-келген бағдарламалау тілін қолдануға рұқсат етілді", – деп түсіндірді ұйымдастыру комитеті.

Қазылар алқасы әзірлемелерді жобалық шешімнің бірегейлігі мен жаңашылдығын, оны тәжірибеге енгізу мүмкіндігін ескере отырып бағалады.

А. Сағынов атындағы Қарағанды техникалық университетінің командасы жеңімпаз болып танылды. 24 сағат ішінде студенттер жаңалықтар порталына арналған қосымшаны жасай алды. Олардың шешімі хостингке орналастыруға толық дайын болды.

Екінші орынды Қарағанды индустриалды университетінің командасы иеленді.

Қазылар алқасы студенттік жатақханадағы орындарды бөлуге арналған мобильді қосымшаны қарапайым және ыңғайлы деп тапты.

Үшінші орынды екі команда бөлісті – Алматы Нархоз университеті және Атырау қаласының Х. Досмұхамедов атындағы университет.

Алматылықтар бірінші міндетті – жаңалықтарды жариялауға арналған мобильді қосымшаны таңдады. Атыраулық студенттер фишингтік сайттарға қарсы тұру үшін қосымша әзірледі. Жүйе интернет-алаяқтықтың алдын алуға және фишингтік шабуылдардан қорғануға бағытталған.

Үздік командалар бағалы сыйлықтармен марапатталды. Барлық қатысушыларға хакатоннан өткендігі туралы сертификаттар табысталды.