Қарағанды автовокзалы Омбыға автобус рейстерін қайта іске қосады
Қарағанды автовокзалының хабарлауынша, Омбыға халықаралық рейстік автобустың қозғалысы қайта жанданады.
Қарағандыдан автобус әр сәрсенбі және сенбі күндері жүретін болады. Жолға шығу уақыты - 19:00. Теміртаудан автобус 19:50-де аттанады.
Билеттерді Теміртау, Топар, Шахан, Шахтинск, Ақтас, Қарқаралы автостанцияларының кассаларында, сондай-ақ автовокзалдар терминалдарында сағат 06:00-ден 23:00-ге дейін түскі үзіліссіз және демалыссыз сатып алуға болады.
Билеттерді интернет, интернет-банкинг, Qiwi терминалдары және "Касса-24" арқылы банктік картаның көмегімен жөнелтуге дейін 30 күн бұрын тәулік бойы онлайн брондауға және сатып алуға болады.