Қарағанды облысындағы су тасқыны жағдайына қатысты 2 сәуір сағат 19:00-ге дейін келіп түскен ақпарат

Қарағанды облысындағы су тасқыны жағдайы ТЖД облыстық жедел су тасқынына қарсы штабының бақылауында. Штабқа аула аумақтарын су басу қаупі туралы 35 хабарлама келіп түсті (Қарағанды – 19, Теміртау – 1, Ақтау – 1, Саран – 1, Шахтинск – 1, Бұқар Жырау ауданы – 7, Осакаров ауданы – 1, Абай ауданы – 1, Қарқаралы ауданы – 3).

Барлық жағдайлар бойынша суды бұру шаралары қабылданды (қаптар төсеу, нөсерлерді тазалау және т. б.).

Ірі су қоймаларынан төгінділер жалғасуда: Самарқанд су қоймасынан – 20 куб. м/с ағыны кезінде 13 куб. м/с; Ынтымақ су қоймасынан – 8 куб. м/с ағыны кезінде 8 куб. м/с. Шерубай-Нұра су қоймасынан ағызулар жасалмайды, оның ағымы 7,5 куб. м/с құрайды.

Барлық су қоймаларында бос көлемдер жеткілікті.

2022 жылғы 2–6 сәуір аралығында жоғары ауа температурасы сақталуы мен одан әрі жоғарылауы туралы болжам жасалуына байланысты облыстың өзен бассейндерінде қарқынды қар еруі, еріген судан ағынның күшеюі, мұз жылжуы және өзендердегі су деңгейінің көтерілуі күтілуде.

Өңір тұрғындарынан су бұру бойынша шаралар қабылдауды және қауіпсіздікті сақтауды сұраймыз.

Қарағанды облысы ТЖД баспасөз қызметінің ақпараты бойынша