Қарағандылық шаңғы әуесқойларын марафонға қатысуға шақырады

Қарағанды облысында кәсіпқойлар, әуесқойлар және ардагерлер арасында алғашқы Қарқаралы шаңғы марафоны өтеді. Жарысты халықаралық шаңғы жарысының жеңімпазы "Қарқаралы" шаңғы базасының директоры Думан Бейсенаев ұйымдастырады.

Марафон үш күнге созылады. Төртінші наурызда бастапқы нөмірлер мен шаңғы трассасымен танысу басталады. Бесінші наурызда бір шақырымдық балалар жарысы және ересектерге арналған спринт өтеді. Келесі күні марафон басталады: әйелдер үшін – 15 км, ерлер үшін – 30 км.

Жарысқа 18–39 жас, 40–49, 50–59, 60 жас және одан жоғары жастағы барлық тілек білдірушілер қатыса алады.

– Біріншілікке қатысушылардың бастапқы жарнасы үш мың теңгені құрайды. Барлық жиналған қаражат іс-шараны ұйымдастыруға және өткізуге жұмсалады, – деп түсіндірді Думан Бейсенаев. – Егер керек-жарақ болмаса, бірақ сіз шынымен қатысқыңыз келсе, оны біздің базамызда жалға ала аласыз. Қазірдің өзінде 70-ке жуық спортшы тіркелді. Бұл Қазақстанның шығыс, солтүстік облыстары мен Қарағанды облысының шаңғышылары. Шаңғы жарысының барлық әуесқойларын шақырамыз.

Спринт жеңімпаздары мен жүлдегерлері медальдармен, грамоталармен және сыйлықтармен марапатталады. Марафондағы абсолютті чемпиондарға кубоктар беріледі.

Тіркелу 3 наурызға дейін +7-775-171-11-94 (WhatsApp) телефоны бойынша қолжетімді.