Қолмен көру: Қарағанды арнайы кітапханасында Қазақстанның көрікті жерлерінің көрмесі өтуде

Еліміздің көрікті жерлерінің нақты көшірмелерінің көрмесі "Макеттердегі тарих. Қазақстанның киелі жерлері" атты облыстық зағиптар мен нашар көретіндерге арналған арнайы кітапханада оқырмандардың басын біріктірді. Мұнда Қарабура, Жошы хан, Домалақ ана кесенелерінің макеттері, Бөкей Ордасының тарихи-мұражай кешені және т. б. қойылған.

Көрме 16 киелі орын туралы баяндайды.

– Кітапхана қабырғасынан шықпай-ақ біздің оқырмандар Қазақстанның мәдени және материалдық мұрасын құрайтын қазыналарды көре алады, –дейді библиограф Нұржамал Тілеубергенова. – Макеттер қағаздан, картоннан, табиғи материалдардан, фанерадан жасалған. 3D принтерде жасалған екі кесене бар. Біздің оқырмандар саусақтарымен арка, күмбез деген не екенін сезініп, ең кішкентай элементтерді қолдарымен ұстай алады. Бұл олар үшін өте маңызды. Барлық макеттер біздің кітапхананың қорында сақталатын болады және біз оларды алдағы уақытта өз жұмысымызда пайдаланатын боламыз.

Көрмеге келушілердің айтуынша, макеттер ассоциативті көру қатарын қалпына келтіруге және толықтыруға көмектеседі. Кітапхана оқырмандары жұмысқа кірісіп, республиканың ұлттық қазынасын бағалай алады.

– Маған табиғи материалдар қолданылғаны ұнады, – дейді кітапханашы-брайелист Екатерина Әбішева. – Әсіресе Ырғызбай-ата кесенесін ерекше атап өткім келеді. Бұл бірден көзге, ал біздің жағдайда қолымызға түседі. Шеберлер тапсырманы өте кәсіби түрде орындаған. Көптеген макеттерді балалар орындады. Бұл керемет.

– Кесенелердің көшірмелері шынымен де табиғи, – дейді кітапхана оқырманы Борис Крупин. – Бізге де жаңа технологиялар келді. 3D принтерде жасалған кесенеге қол тигізу таңқаларлық болды. Бірақ маған әсіресе Қарабура кесенесі ұнады. Мұнда көптеген мәліметтер бар. Ыбырай Алтынсариннің кесенесі туралы ой қызықты. Авторлар барлық ерекшелікті жеткізе алды деп санаймын. Экспозиция өте жақсы және қажет.

Алдағы уақытта арнайы кітапханада "Тарих және мәдениет ескерткіштері" және "Маңызды сәулет құрылыстары" тақырыптарына бейімделген көрмелер өткізіледі.

Естеріңізге сала кетейік, өткен жылы ҚР Тәуелсіздігінің 30 жылдығына арналған "Гүлдене бер, Қазақстан" байқауы өтті. Ол макеттер арқасында Қазақстанның мәдени және тарихи ескерткіштері туралы түсінікке ие болатын өңірдің зағип тұрғындарын оңалтуға бағытталған болатын.

Байқауға бүкіл өңірдің тұрғындары – оқушылар, колледждер мен ЖОО студенттері, зейнеткерлер, үй шаруасындағы әйелдер, жас суретшілер қатысты. Үш номинация белгіленді: "Қазақстанның киелі орындары", "Тарих және мәдениет ескерткіштері" және "Маңызды сәулет құрылыстары". Бүгінгі көрмеге байқау жұмыстары қойылған.