Қарағандылық бренд Мәскеудегі Халықаралық көрмеде өз сөмкелерін ұсынады

Alex HARTUNG брендімен танымал қарағандылық «Мануфактура ER» компаниясы MosShoes 2022 (Мосшуз) халықаралық көрмесіне дайындалуда. Ол 28 ақпаннан 3 наурызға дейін Мәскеуде өтеді. Бұл осындай ауқымдағы бейінді іс-шарада өзін танытқан алғашқы қазақстандық бренд.

Халықаралық аяқ киім, сөмкелер, аксессуарлар, былғары және керек-жарақтар көрмесі 1997 жылдан бері өткізіліп келеді. Бұл Ресейдегі ең үлкен және әйгілі аяқ киім көрмесі болып табылады. Мұнда сәнді өнімдер көрсетіліп қана қоймай, трендтер, ынтымақтастық шарттары талқыланады және алдын-ала тапсырыс жасалады. Көрмеге кәсіпорын басшылары, технологтар мен дизайнерлер қатысады.

– Көрме үшін біз өзіміздің Alex HARTUNG сәнді брендіміздің модельдік қатарын арнайы жаңарттық, – дейді «Мануфактура ER» компаниясының басшысы Александр Ермаков. – Әйелдер, ерлер және жол сөмкелерінің, белдіктер мен әмияндардың жаңа үлгілерін көрсетеміз. Ресейдің физикалық нарығына шығу үшін байланыс орнату жоспарлары бар. Қазір біз Ресеймен тек онлайн режимінде жұмыс істейміз.

Александр бұл көрмені жаһандық деңгейге дейін жаттығу деп атады. Оның компаниясы Миланға баруды жоспарлаған. Бірақ баға мен ковидтік шектеулер тоқтатып отыр.

Естеріңізге сала кетейік, Қарағанды шеберханасы 2016 жылы белсенді жұмыс істей бастады.

Қазір ER желісінде әртүрлі мақсаттағы сөмкелердің 30-ға жуық моделі және аксессуарлардың 20 моделі бар: әмияндар, белдіктер және т. б. өндіріс өнімдерін негізінен интернетте сатады.

Компанияның сатып алушылары – Германия, Швейцария, Қытай, Канада, Ресей және Қазақстаннан жасалған сапалы былғары бұйымдарын бағалаушылар.