Қарағанды мұражайында PRO DESIGN + халықаралық көрмесі ұсынылды

Қарағанды облыстық бейнелеу өнері мұражайында Академик Е.А. Бөкетов атындағы университеттің бейнелеу өнері және дизайн кафедрасының ұйымдастыруымен PRO DESIGN+ халықаралық көрмесі ашылды. Экспозицияда Ресей, АҚШ, Италия және Қазақстаннан келген 30-дан астам автордың 100-ге жуық графикалық туындылары бар.

Бірегей көрме жобасы графикалық дизайнға арналған.

– Графикалық дизайн – бұл біздің өміріміздің нақты және сандық әлемдегі барлық салаларына әсер ететін кең ұғым. Оның маңызды миссиясы – ақпаратты реттеу. Дизайн графика, түс графикасы, фотография, композиция және әр түрлі медиадағы типография көмегімен көптеген түрлі мәселелерді шешеді, сондықтан графикалық дизайнның бірнеше түрлері бар, ал дизайнер бүгінде не болмаса бір салада жұмыс істейді немесе көптеген мәселелерді шешетін әмбебап болып табылады. Студенттердің жұмыстары – бұл алғашқы тәжірибелер, мамандықтағы алғашқы қадамдар, ақпараттық өнімдерді жасау техникаларын, технологияларын, материалдарын, құралдары мен әдістерін игеру. Бейнелеу өнері және дизайн кафедрасының студенттері мен түлектерінің көрмеге қойылған жобалары дизайнер-графика мамандығының шығармашылық өсуі мен жетілуін көруге мүмкіндік береді, – дейді көрме кураторы Айгүл Омарова.

Экспозициядағы барлық жобалар брендинг, иллюстрация, жарнама, каллиграфия, фотография, веб-дизайн, полиграфия + digital, әлеуметтік жобалар, ойын дизайны, бейне арт, қаптама және постерлер сияқты тақырыптық санаттарға бөлінген.

Көрме 22 ақпанға дейін жалғасады.