Қарағандылық спортшылар Яуда Мұсағалиев атындағы біріншілікте өткен жылдары орнатқан рекордтардан асып түсті

Қарағандыда Еңбек ері Яуда Мұсағалиевті еске алуға арналған жеңіл атлетикадан республикалық турнир өтті. Мемориалдың жаңа жетістіктерімен қарағандылық спортшылар Алина Чистякова 50 метр кедергілермен және Данил Попов 50 метрге жүгіруде көзге түсті.

Жарысты Қарағанды облысының дене шынықтыру және спорт басқармасы, "Жеңіл атлетика ОРМБЖМ" КМҚК және "Қорғау" көміршілер кәсіподағы" қоғамдық бірлестігі ұйымдастырды.

Біріншілікке 163 жас спортшы қатысты (2005–2006 ж.т.). Жарысқа Нұр-Сұлтан, Петропавл, Көкшетау, Есіл, Теміртау, Абай, Саран, Шахтинск, Қарағанды, Солтүстік Қазақстан облысының Саумалкөл ауылынан жеңіл атлеттер жиналды.

Жарыс бағдарламасы ұлдар арасында 13 түрден, қыздар арасында 11 түрден құралды. Спортшылар биіктікке және ұзындыққа секіруде, ядро итеруде, 50, 300, 600, 1 500, 3 000 м қашықтыққа жүгіруде, 50 м кедергілер мен эстафеталарда бақ сынасты.

Жарысқа қатысушылар турнирде жоғары жетістіктерге қол жеткізуі үшін материалдық ынталандыру қарастырылды.

Қарағандылық спортшылар ерекше көзге түсті. Жеңіл атлетші Алина Чистякова 7.61 нәтижесімен Анель Шулакованың 50 метрге кедергілермен жүгіру бойынша 2016 жылғы рекордынан (7.65) асып түсті. Данил Попов 50 метрге жүгіруде бірінші болды, мемориалдың ең жоғары жетістігі 6.11 болды. Өткен рекорд 2018 жылы орнатылды, ол Шамиль Муртазинге тиесілі – 6.15.

– Турнир қорытындысы бойынша наурыз айының басында Өскемен қаласында өтетін Қазақстан чемпионатында өнер көрсететін Қарағанды облысынан мықты спортшылар командасы құрылады, – деп атап өтті жарыстың бас төрешісі Андрей Агеев.

Қарағандылық кенші Яуда Мұсағалиевтің құрметіне бірінші біріншілік 1976 жылы өтті және дәстүрге айналды. 2022 жылдан бастап турнир Қарағанды өңірінің кәсіпорындарында қаза тапқан шахтерлерді еске алу мақсатында өткізіледі.