Ана мен бала бөлмесі, амфитеатр, фотоаймақ: Қарағандыда орталық саябақтың даму тұжырымдамасы ұсынылды

Қарағандыда Орталық мәдениет және демалыс саябағын дамыту тұжырымдамасы ұсынылды. Онда жаңа күркелер пайда болады, көше өнері алаңын кеңейтеді және ана мен бала бөлмесін арбаларды жалға алу мүмкіндігімен жабдықтайды.

Орталық саябақты ауқымды қайта құру өткен жылы басталды. Кіре берісте ретсіз сауда нүктелері жойылды, барлық нысандар үшін бірыңғай дизайн енгізілді. Өткен жылдың жазында негізгі аллеяларда велосипед қозғалысын реттейтін белгілер орнатылды.

Қазақстанда теңдесі жоқ жолақты мұз айдыны қала тұрғындарының қысқы демалысы үшін сүйікті орынға айналды. Алдын ала есептеулер бойынша, өткен жылдың 15 желтоқсанынан бастап оған 27 мыңнан астам адам келген.

– Биылғы жылы Орталық саябақты ғана емес, Қарағандының басқа да гүлзарлары мен шағын саябақтарын жарықтандыру бойынша ауқымды жоспар іске асырылатын болады. Қазірдің өзінде «қараңғы» аумақтар анықталды, техникалық ерекшеліктер әзірленді, конкурстық рәсімдер жүргізілуде, – деп атап өтті Мәдениет және демалыс саябақтары басқармасының басшысы Талғат Байтохин. – Инвестордың күшімен саябақта ана мен бала бөлмесі ыстық сумен, қысқы уақытта жылытумен және жазғы кезеңде кондиционерлермен жабдықталады.

Көктемде саябақта қайың тоғайындағы спорт алаңын күрделі жөндеу басталады. Екі футбол алаңында жасанды көгалдар төселіп, қақпалар орнатылып, қоршаулар күшейтіледі. Басететбол алаңына асфальт төселеді. Теннис және волейбол алаңдары қажетті жабдықтармен жабдықталып, тиісті жабын төселеді. Сондай-ақ, саябақта қосымша дәретханалар орнатылады, ал бар дәретханалар қыс мезгілінде жұмыс істейтіндей етіп бейімделеді.

Саябақ көлінің аэрациясы механикалық және химиялық-биологиялық тазартудан басталады. Ол үшін балдырларды тазартатын микроорганизмдер резервуарға жіберіледі. Көктемде балықтандыру басталады, бұл балдырлар санының азаюына ықпал етеді.

Саябақтың кіреберіс аркасы да жаңартылады. Негізгі аллея жасанды көгалдармен, ағаш ойын кешендерімен жаңа ойын алаңдарымен безендіріледі. Көше музыканттары мен әртістерге арналған шағын сахна мен орындықтар орнатылған алаң ұйымдастырылады.

– Біз балалар темір жолының жылжымалы құрамын визуалды және техникалық жаңартуды, бояуын жаңартуды, жаңа қозғалтқыш орнатуды және шпалдарды ауыстыруды жоспарлап отырмыз.

Сондай-ақ, тақырыптық фотозаймақтар, сауда нүктелері ұйымдастырылады. Вокзал ғимараты жөнделіп, маусымдық дәретхана орнатылды. Қызметкерлер теміржолшылардың МҮ базасында сабақ өткізуге кірісті, онда балалар теміржол кәсібінің негіздерін оқитын болады, – деді Талғат Байтохин.

Орталық көлдің алдындағы аумақ өзгереді. Онда пирстер, жатақтар мен күркелері бар жағажай болады. Шағын көлде суда жүзетін құстарды ыңғайлы және қауіпсіз тамақтандыру үшін баспалдақтар мен сатылар жабдықталады.

Басты сахнада іс-шараларды ыңғайлы өткізу үшін шатыр орнатылады. Сонымен қатар, саябақта үрмелі оркестрге арналған би алаңы пайда болады. Іргелес аумақта үстел ойындарына арналған үстелдер, орындықтар мен урналар болады.

Сонымен қатар жарықтандыру жаңартылады және қарт адамдарға арналған тренажерлар орналастырылады. Көше өнері үшін қабырғалар орналасқан аумақта жастар іс-шараларына арналған ұзындығы 12 метрлік амфитеатр салынады.

Воркаут-аймақ кіші көл аумағындағы спорт алаңына қосымша ретінде жабдықталады.

– Саябақ тек әдемі, жайлы демалыс орны ғана емес, сонымен қатар функционалды болуы керек. Онда апта сайын мәдени фестивальдер, спорттық жарыстар, би жарыстары өткізілуі керек. Қала тұрғындары демалыс күндері ғана емес, жұмыс күндері де келіп, мереке атмосферасын сезінетін болады. Біз кез келген жастағы адамдарға жағдай жасауымыз керек. Мысалы, студенттер онда ЖОО арасында жарыстар өткізетін болады, ал егде жастағы адамдар онда гүл отырғызып, оларға күтім жасай алады, – деп есептейді қала әкімі Ермағанбет Бөлекпаев.

Биыл Қарағандыда Майқұдық, Пришахтинск және Оңтүстік-Шығыс шағын аудандарындағы саябақтар да ретке келтіріледі.