Шет агротехникалық колледжінде механизаторларды даярлауға арналған құзыреттілік орталығы ашылды

«Жас маман» республикалық жобасы аясында Шет агротехникалық колледжінің базасында AGRO TECH ауыл шаруашылығы құзыреттілігі орталығы пайда болды. Арнайы орталық білікті және жетік мамандарды даярлауға мүмкіндік береді.

Колледж «Ауыл шаруашылығын механикаландыру» мамандығы бойынша жобаға қатысады. Бұл мамандықта 38 студент оқиды.

Оқушылардың кәсіби құзыреттіліктерін дамыту үшін орталықта төрт шеберхана, үш зертхана және теориялық сабақтарға арналған төрт кабинет жұмыс істейтін болады. Олардың барлығы WorldSkills стандарттарын, кәсіпкерлер палатасы мен жұмыс берушілердің ұсыныстарын ескере отырып, заманауи құралдармен жабдықталған.

Шет ауданындағы құзыреттер орталығы Қарағанды облысы бойынша он бесінші болды.