Аязды күндері Теміртау тұрғындары үйлеріне «тегін таксимен» жету мүмкіндігіне ие болды

Теміртауда Әлихан Бөкейхан атындағы орталық мешіттің бастамасымен «Sauap» орталығының еріктілерімен бірлесіп «тегін такси» акциясы ұйымдастырылды. Жүргізушілер 80 тұрғынға үйлеріне жайлы жетуге көмектесті.

– Біз мұндай акцияларды жыл сайын өткіземіз. Аязды күндері біз әрқашан тұрғындарды үйге немесе өздері таңдаған жерлерге тегін жеткіземіз. Негізінен Қарағанды – Теміртау, Теміртау – Қарағанды бағыты бойынша. 2020 жылы біздің мешітте «Sauap» еріктілер орталығы құрылды. Бұл акцияға осы орталықтың еріктілері, біздің мешіттің жамағаты қатысты. Бізде барлығы 20-ға жуық машина бар, оның 10-ы әрдайым дайын, – деді Әлихан Бөкейхан атындағы мешіттің бас имамы Естай Айтуғанұлы.