Кеншілер мәдениет сарайы 65 жылдығын үлкен мерейтойлық концертпен атап өтпек

Биылғы жылы қарағандылық Кеншілер мәдениет сарайына 65 жыл толады. Мерейтойға орай 3-ші желтоқсан 16.00-де КМС-да үлкен концерт өтеді.

Мерекелік кеште Ең үздік шығармашылық коллективтер өнер көрсетеді. Олардың қатарында – «Жұлдыз», «Көзкөргендер» және «Халықтық шахтер» ансамбльдер бар. Сонымен қатар «Алтын батыр» степ группасы, «Шабыт» және «Жас толқын» вокал топтары, халық композиторлар Клубы.
Арнайы шақыртылған қонақтар: Рамазан Стамғазиев, Иса Әлимұса және «Музарт Life» тобы.
Билет құны – 1500 теңге.
Кеншілер мәдениет сарайы (КМС) – Қарағанды символдарының бірі болып табылады. Оны 1940 жылы жергілікті сәулетшілер И. Беннер мен Я. Яноштың жобасы бойынша сала бастаған. Ұлы Отан соғысы басталғанда құрылыс уақытша тоқтатылды. 1950-ші жылдың соңында КМС-ның орталық бөлігі пайдалануға берілді. Ал 1952 жылы Сарай толығымен салынып бітті.