Қарағандылық ардагерлер Жеңіс Күніне орай 150 мың теңгеден алады

Қарағандының Ұлы Отан соғыс ардагерлері Жеңіс Күніне орай 150 мың теңгеден алады. Тыл еңбеккерлері, соғыста қаза болғандардың жесірлері, тұтқындар мен басқа да ардагерлер санатына теңестірілгендерге – 10 мың теңгеден үлестіріледі.
Бұл қаражат сыйақы алушылардың банктік есепшоттарына аударылады.
- Сонымен қатар бағытты көмекті біз жалғызбасты ардагерлерге де көрсетеміз. Оларға азық-түлік себеттері беріліп, үй шаруасына қажетті көмектер көрсетіліп, қайырымдылық асына шақырылады, - деп мәлімдеді Қарағанды әкімдігінің ардагерлермен жұмыс бойынша сектор меңгерушісі Айсұлу Сиубаева.
Жеңіс Күні қарсаңында ардагерлерге үй-тұрмысында «Жас Отан» жастар қанатының мүшелері көмек көрсететін болады.
Бүгінгі таңда Қарағандыда Ұлы Отан соғысының 64 ардагері мен 5000-ға жуық сол санатқа теңестірілген адамдар тіркелген.