2017-ші жылы Қарағанды облысында 1939 өрт тіркелген

Қарағанды облысының аумағында 2017-ші жылы 1939 өрт болған, ол 2016-шы жылмен салыстырғанда 8,7%-ға көбірек (ол кезде үйлер мен нысандар 1783 рет жанған). Бұл мәліметтерді Қарағанды облысының ТЖД бастығы Ыбраһим Күлшімбаев Аймақтық коммуникациялар қызметінде өткен брифинг барысында айтты. Ол сонымен қатар аймақта өрт көлемін төмендету үшін қандай шаралар қолданылатыны жайлы мәлімдеді.
- 2017-ші жылы барлық меншік формаларының нысандарында өрт қауіпсіздік жағдайын тексеретін 2300 шара өткізілді. Нәтижесінде 4000-нан астам нормалар мен өрт қауіпсіздік ережелері бұзылғаны анықталған, жалпы сомасы 37 млн теңгені құраған 900-ден астам айыппұл салынған, - деп хабарлады спикер.
Өрттің алдын алу және қайғылы оқиғаларды болдырмау үшін ТЖД қызметкерлері жеке сектордағы үйлерді аралап, тұрғындармен кездесу өткізіп, насихат материалдарын таратып, рейдтер өткізеді.
Ыбраһим Күлшімбаевтың айтуынша, өрт саны төмендемеуде: «Жыл басынан бері облысымызда 107 өрт орын алды, нәтижесінде 1 адам қайтыс болып, 5 адам жарақат алған. Сонымен қатар адамдардың улы газдан қаза болу деректері де жалғасуда. Қаңтарда өрт болмай, түтіннен 5 адам уланған, екі адам зардап шеккен».
Өрттің пайда болуы әдеттегідей отты абайсыз пайдалану себептеріне байланысты (50,3% жайттарда), электр құралдары мен тұрмыстық техниканы орнату және пайдалану кезінде ереже бұзылуы, пештерді салу кезінде өрт қауіпсіздік ережесінің бұзылуы болып отыр. Ең көп өрттер тұрғын үй секторларында болады.