"Әр аулаға карате": Қарағандыда балаларға арналған спорт клубы ашылды

Қарағандының орталығында "Әр аулаға карате" жобасы бойынша Raiymbek Dojo спорт клубы пайда болды. Ол "Рухани жаңғыру" мемлекеттік бағдарламасы аясында "Кекушинкай карате Бүкілқазақстандық ұйымы" РҚБ қаражаты есебінен салынды.

"Әр аулаға карате" әлеуметтік жобасы өз жұмысын 2017 жылы бастады. Сол кезде Оңтүстік-Шығыста "Намыс" бірінші клубы ашылды. Осы жазда Саранда "Акбарс" кешені салынды.

– Жоба үлкен аулаларда шағын залдар салуды көздейді. Осының арқасында үйдің жанындағы балалар спорт секцияларына қатысуға мүмкіндік алады. Ал бұл ата-аналар үшін де ыңғайлы, – дейді "ВОКК" РҚБ Қарағанды облыстық филиалының директоры Тимур Райымбеков. – Залдар салудан басқа, біз аула аумағын абаттандырамыз, футбол алаңдарын саламыз. Ең бастысы - балаларға спортпен шұғылдануға мүмкіндік беру.

Нүркен Әбдіров даңғылы бойындағы аулалардың бірінде ашылған жаңа спорт клубы 600-ге жуық кішкентай қарағандылықтарды қабылдайды. Күн сайын екі зал жұмыс істейді. Каратеден басқа, балалар би, гимнастика, джиу-джитсумен айналыса алады.

Кейбір бөлімдерге тегін кіруге болады. Бұл балалар мен жасөспірімдер спорт мектебінің үйірмелері және жан басына қаржыландыру жобасы.

2025 жылға дейін кекушинкай карате Бүкілқазақстандық ұйымының филиалы тағы 10 аула клубын ашуды жоспарлап отыр.