Қарағандыда 15 пән бойынша Республикалық мектеп олимпиадасының облыстық кезеңі өтті

Қаңтардың басында Қарағандыда 15 жалпы білім беру пәндері бойынша Республикалық мектеп олимпиадасының облыстық кезеңі өтті.
Зияткерлік сайыстың ұйымдастырушылары - Қарағанды облысының Білім басқармасы және "Сарыарқа дарыны" аймақтық ғылыми-тәжірибелік орталығы.
Биылғы жылы олимпиаданың облыстық кезеңіне 9-11 сыныптардың 555 оқушысы қатысты. Олардың білімін облыстың алдыңғы қатарлы ЖОО-ның: Е.А. Бөкетов атындағы ҚарМУ, ҚарМТУ, ҚарМУ-нің ғылым докторлары, доценттер мен ғылым кандидаттары саралады.
Олимпиаданың жеңімпаздары мен жүлдегерлері дипломдармен марапатталды. 1-ші орын алған оқушылар аймағымыздың намысын республикалық кезеңде қорғайтын болады.
Қарағанды облысының командасы 10 жыл қатарынан "Үздік олимпиадалық команда" атағын иеленіп келеді деп мәлімдеді Білім басқармасының баспасөз қызметі.