Шыршасы бар желілік мұз айдыны, фото аймақтар мен шағын мүсіндер – Жаңа жылға орай Қарағандының Орталық саябағы түрлене түсті
Осы қыста Қарағандының орталық саябағында адамдар өте көп жиналуда. Жаңадан салынған мұз айдыны көпшіліктің қуана жиналатын орнына айналды.
Биылғы жылы мұз жаңа жылдық шыршаның айналасына ғана емес, көл бойындағы аллеяға да құйылды. Сонымен қатар көлдің өзінде де сырғанауға болады.
Қала әкімі Ермағанбет Бөлекпаевтың айтуынша, Мәскеуге сапарларының бірінде оны Горький саябағындағы желілік мұз айдыны таңғалдырған. Содан бері осы идеяны жүзеге асыруға асыққанын айтады.
– Әрине, бізде соншалықты керемет емес. Бірақ біз ол идеяны жүзеге асыра алдық. Дайындықты жаздан бастадық. Урбанистика орталығының мамандарымен, саябақ қызметкерлерімен бірге бас қостық. Бастапқыда жеті мұз айдынының нұсқалары болды. Қазір көріп отырған нұсқасына тоқталдық, – дейді қала басшысы. – Мұз айдынын салу және саябақты безендіру үшін қосымша бюджет қаражаты қажет болмады. Барлығы жоспарланған қаржыға жасалды. Тек тұжырымдаманы өзгерттік.
Конькимен мұзға шығу тегін. Конькиді жалға алу орнына кезек ұзын, себебі сырғанағысы келетіндер саны жетіп, артылады. Олардың қатарында тәжірибелі де, жаңадан келгендер де бар.
– Мұз біртіндеп қабаттап құйылды. Күн сайын таңертең біз оны жаңа кезеңге дайындаймыз. Бізде мұз айдынына күтім жасауға арналған арнайы техника жоқ, сондықтан мұздың бетін тегістеу жұмыстарын қолмен жүргіземіз. Мұз айдыны адамдарға ұнайды, алдағы уақытта қыс бойы қолдау көрсететін боламыз, – деді Қарағандының мәдениет және демалыс саябақтары басқармасы директорының м. а. Талғат Смайылов.
Саябақтағы биік сырғанақтардан өз тюбингтеріңізбенмен тегін сырғанай аласыз. Егер өз тюбингтеріңіз болмаса, жалға беру ұйымдастырылған.
Саябақтар басқармасының қызметкерлері серуендеуге арналған орындарды әсемдеп безендіруге тырысты. Шағын мүсіндер мөлдір пластиктен жасалған.
Полярлық аюлар, пингвиндер мен бұғы жанында балалар мен ересектер қуана суретке түсуде.
Жолбарыстың Жаңа жылдың символы да келушілер арасында танымал, оны саябақ басқармасының суретшісі жасаған.
Орталық кіреберісте келушілерді есек пен Аяз Ата қарсы алады.
Қалада тегін мұз айдындары "Шахтер" және "Локомотив" стадиондарында жұмыс істейді. Сонымен қатар, олар мектептердің жанында құйылады.
Қала орталығындағы Нұрсұлтан Назарбаев пен Нүркен Әбдіров даңғылдары да жаңаша безендірілді. Ағаштар жарқыраған сақиналармен әшекейленген. Ашық түстер мен шамдар адамдарға жаңа жылдық көңіл-күй сыйлайды.