Шахтинск жастарына қала әкімінің "Жастар" сыйлығы табысталды

Он екі жас қала тұрғыны Шахтинск қаласы әкімінің "Жастар" сыйлығына ие болды. Ол 2007 жылдан бері беріліп келеді және осы уақыт ішінде оны 100-ге жуық адам алды.

Сыйлық 14–29 жас аралығындағы жастарға жемісті ғылыми, шығармашылық және қоғамдық қызметі үшін келесі номинациялар бойынша беріледі: "Жылдың үздік жоғары сынып оқушысы", "Жылдың жас спортшысы", "Колледждің үздік оқушысы", "Шахтинск аймағында мемлекеттік жастар саясатын жүзеге асыруға менің жеке үлесім", "Жас кәсіпкер" және "Жыл еріктісі".

– 2020 жылы алғашқы "Ұлы дала дарыны" төсбелгісін алдым. Қазір мен кафедраның, университеттің және туған қаламыздың ғылыми және қоғамдық өміріне белсенді қатысамын. Волонтерлікпен де айналысамын. Биыл "Жасыл ел" жасағында жұмыс істедім. Сыйлықақы – бұл өз бетінше білім алуға ынталандыру және өз әлеуетімізді бағалау мүмкіндігі. Жастардың бәсекеге қабілеттілігі білім сапасына тікелей байланысты, – деп есептейді "Шахтинск аймағында мемлекеттік жастар саясатын жүзеге асыруға менің жеке үлесім" номинациясының жеңімпазы Зарина Гатауллина.

Сондай-ақ мәслихат өзінің "Депутаттар таңдауы" номинациясын тағайындады. Бұл санатта Бектас Жұман марапатталды.

– Менің жұмысымды бағалағаныма қуаныштымын. Мектеп жасымнан бастап қоғамдық өмірге белсене араластым. Қазір мен Қарағанды облысының "Ұлағат" шығармашыл жастар клубын басқарамын. Біз руханиятты сақтау және әдебиетті дамыту үшін қолымыздан келгеннің бәрін жасаймыз, – деді Бектас Жұман.

Осы жылы "Жастар" сыйлығын алуға Шахтинск қаласының 22 тұрғыны өтінім берді. Жыл сайын үміткерлер саны артып келеді.