Қарағанды облысының командасы «Зерде» республикалық байқауында 18 медаль иеленді

Қарағанды облысының командасы «Зерде» зерттеу жұмыстары және шығармашылық жобалар республикалық байқауында 18 медаль жеңіп алды. Байқауға республиканың түпкір-түпкірінен жиналған 400 астам оқушылар қатысты.

Байқау екі түрлі жас санаттары арасында өтті: кіші топ – 1- 4 сыныптар, үлкен топ - 5-7 сыныптар. Қарағанды облысының командасы құрамында 18 адам болды. Біздің оқушылар 7 алтын, 4 күміс және 7 қола медальдарды ұтып алды.
Қатысушылар өздерінің зерттеулік жобаларын 8 секция бойынша қорғады. Ол қазақ тілі мен әдебиеті; орыс тілі мен әдебиеті; ағылшын тілі; математика, информатика; физика, техника; медицина, психология; тарих, өлкетану, этномәдениеттану; химия, биология; Экология, валеология.
«Зерде» жобалар байқауы ғылыми-зерттеу жұмыстарымен айналысатын дарынды оқушыларды қолдау мақсатында ұйымдастырылған.
Байқаудың жеңімпаздары мен жүлдегерлері «Дарын» РҒТО I, II, III дәрежелі дипломдарымен марапатталды.