Қарағандылық боксшы Абылайхан Жүсіпов Софияда өткен xалықаралық турнирде күміс медаль ұтып алды

Қарағандылық боксшы Абылайхан Жүсіпов Болгария астанасында өткен «Странджа» беделді xалықаралық турнирде күміс жүлдегер атанды.
Қарағандылық спортшы 69 келі салмақ дәрежесі бойынша өнер көрсетті. Сайыстың бірінші күнінде ол рингте АҚШ өкілі Фройдис Рохаспен жұдырықтасты. Жекпе-жек 4:1 есебімен, жерлесіміздің жеңісімен аяқталды.
Жартылай финалда Абылайдың қарсыласы украиндық Евгений Барабанов болды. Бұл жекпе-жекте біздің боксшымыз қолын жарақаттап алды. Сондықтан бапкерлер штабы оны финалдық шайқастан алып тастау туралы шешім қабылдады. Онда Абылай Өзбекстаннан келген спортшымен жұдырықтасуы тиіс болатын. Осылайша, Абылайхан Жүсіпов турнирдің күміс жүлдегері атанды.
Естеріңізге сала кетейік, ол сонымен қатар 2020 жылы өтетін Олимпиада ойындарына лицензия алуға ең басты үміткерлердің бірі болып табылады..
«Странджа» турнирі Софияда ақпанның 14-і мен 19-ы арслығында өтті. 16 елден келген боксшылар оның жүлдегері атанды. Қазақстандық құрама бес күміс медальды қоржынына салып, қорытынды есепте алтыншы орынды иеленді. Жүлдегерлер қатарында: Теміртас Жүсіпов (49 кг), Закир Сафиуллин (60 кг), Абылайхан Жүсіпов (69 кг), Санатәлі Төлтаев (64 кг) және Василий Левит (91 кг).