Облыс әкімі Ерлан Қошанов «Индустриальная Караганда» газетінің ұжымына жаңа бас редакторды таныстырды

Облыс әкімі «Индустриальная Караганда» газетінің ұжымымен кездесті. Зейнеткерлікке шығуына байланысты В.И.Рыжков «Индустриальная Караганда» ЖШС бас редакторы және директоры тағынан түсті.
Аймақ басшысы Владимир Рыжковқа газеттің дамуына қосқан үлкен еңбегі үшін алғыс білдіріп, Құрмет грамотасын табыстады.
Одан кейін облыс әкімі ұжымға жаңа бас редакторды таныстырды. Бұл лауазымға Оксана Мягких тағайындалды. Ол 1979 жылы 27 шілдеде дүниеге келген. Е.Бөкетов атындағы ҚарМУ-дың журналистика бөлімін және Қарағанды экономикалық университетінің қаржы-экономика факультетін тәмамдаған.
2000 жылдың тамыз айынан облыстық «Индустриальная Караганда» газетінің тілшісі. 2006 жылдан бастап газеттің мәдениет және білім бөлімінің меңгерушісі болған. 2009 жылдан саясат және құқық бөлімінің меңгерушісі.
2005 жылы әкімшісі халықаралық зерттеулер кеңесі «Қоғамдық байланыс/журналистика» бағдарламасының финалисті ретінде АҚШ-та тәжірибеден өткен. «Серпер-2010» жастар сыйлығының «Журналистика» аталымы бойынша лауреаты.
2010 жылдың наурыз айынан бастап республикалық «Экспресс К» қоғамдық-саяси газетінің меншікті тілшісі.
2011 жылы «Менің ісім» номинациясы бойынша облыс әкімінің «Алтын сұңқар» сыйлығының жеңімпазы.