Шет ауданында 14 отбасы жаңа үйлердің кілттерін алды

Тәуелсіздік күні қарсаңында Шет ауданында 14 отбасы баспаналы болды. Жаңа үйлердің кілттерін аудан әкімі Мұхит Мұхтаров табыс етті.

Көпбалалы, жетім және аз қамтылған отбасылардан шыққан кезектегілер екі пәтерлі үйлерде баспана алды. Олардың көпшілігі мұны ұзақ жылдар күтті.

Жаңа қоныстанушылар арасында бес баланың анасы Жанар Мешелова да бар, олардың бірі мүмкіндігі шектеулі.

– Ұзақ жылдар бойы мен тұрғын үй алуға кезекте тұрдым.  Пәтер жалдадым, мүгедектігі бар баламен бұл өте қиын. Соңғы жылдары біз әкімдік бөлген уақытша пәтерде тұрдық. Міне енді баспанаға ие болдық. Үй өте кең, жылы, жақсы жөндеумен. Біз бақыттымыз, – деді әйел.

Динара Дүйсенбаева да бес бала тәрбиелеп отыр. Олардың ең кішісі – егіздер, небары бір жаста. Жаңа үйлерін көріп, өте риза болып отыр.

– Үй әдемі, жуынатын бөлмесі бар, оттығы бөлек бөлмеде, барлық коммуникациялар жаңа. Балалар қуанышты, енді олардың өз бөлмесі бар, – дейді Динара.

Биыл Шет ауданында қайталама нарықтағы үйлердің кілттерін 19 көпбалалы отбасы алды. Ауданда тұрғын үй кезегінде барлығы 637 адам тұр.