Қарағандылық студент Сарыарқаның көрнекті жерлері туралы 4 тілде тұсаукесер әзірледі

Қарағанды қаласында "Рухани жаңғыру" бағдарламасы бойынша "Сыр тұнған Сарыарқа" атты тұсаукесерлер байқауы өтті. Сайыста Қарағанды мемлекеттік техникалық университетінің студенттері өз жұмыстарын ұсынды. Іс-шараны ЖОО-ның тарих-оқытушылары ұйымдастырды.
- Туған өлкеміздің, өз елінің тарихын білу бойынша байқауды үшінші рет өткізіп отырмыз. Жыл сайын студенттердің қызығушылығы өсуде. Жұмыстар шығармашылық және мазмұнды болады. Биылғы жылы біз Сарыарқаның киелі жерлерімен байланысты тақырыпты таңдадық. Көпшілікке ол құпияларды ашу керек, - деді тарих ғылымдарының кандидаты, Қазақстан тарихы кафедрасының доценті Сәуле Қасымова.
Байқауға қатысқан ҚарМТУ барлық факультеттерінің бірінші және екінші курс студенттері 31 тұсаукесерлер ұсынды. Қазылар алқасы бес номинация бойынша үздік жұмыстарды таңдады: табиғи-ландшафтық мұра (шыңдар, жартастар, үңгірлер); ортағасырлық қалалар мен сәулет ескерткіштері; ғибадат орындары болып табылатын діни және діни нысандар; шығармашылық, тарихи тұлғаларға байланысты орындар; маңызды тарихи-саяси оқиғалар өткен орындар.
Көптеген қатысушылар өз бетінше халық аңыздарын жинап, сипаттаған жерлерде болды, деп атап өтуде ұйымдастырушылар. Тұсаукесерлерді олар өздері жасаған фотосуреттермен сүйемелдеді.
Инновациялық технологиялар факультетінің 1 курс студенті Арина Давыдова жеңімпаз атанды. Ол шетелдік қонақтар үшін Астана, Қарағанды және Теміртау қалаларының тарихи ескерткіштері мен көрікті жерлері бойынша навигатор әзірледі. Тұсаукесер 4 тілде дайындалған: қазақ, орыс, ағылшын және қытай тілдерінде.
Екінші орынды сәулет-құрылыс факультетінің 2 курс студенті Диана Серікова иеленді. Оның жұмысы Қарқаралы өлкесінің танымал тұлғаларына арналған. Студент қазақ халқының ұлы қайраткерлері Әлихан Бөкейханов, Жақып Ақбаев, Әлімхан Ермеков, жырау Нарманбет Орманбетұлы, композиторлар Мәди Бапиұлы, Тәттімбет Қазанғапов, Кеңес Одағының Батыры Нұркен Әбдіров ескерткіштерінің фотосуреттерін ұсынды.
Қазылар алқасы үшінші орынды екі жобаға берді. Тұсаукесердің бірінде Орталық Қазақстанның бірегей табиғи сұлулықтары, су қоймалары мен ұлттық саябақтары, аймақтың ландшафтық-географиялық ерекшеліктері туралы айтылады. Басқа зерттеуде Ұлытау қасиетті орындары көрсетілген. Екі жұмыстың авторлары инновациялық технологиялар факультетінің екінші курс студенттері.
Жеңімпаздар мен номинанттар грамоталармен және дипломдармен марапатталды. Қалған қатысушылардың барлығы алғыс хат алды.