Қарағандылық оқушылар «ақылды» тұрақ идеяларын ұсынды

Қарағанды қаласында алғаш рет «ақылды» қала тақырыбында мектепаралық хакатон өткізілді. Ұйымдастырушылар балалар мен жасөспірімдерге «ақылды» көлік тұрағы туралы ой тастауды ұсынды. Қатысушылар IT-технологияларды меңгеруі деңгейлерін көрсетті. Оқушылар бейнероликтер, мультфильмдер, тұсаукесерлер және компьютерлік ойындар жасады.
- «Цифрлық Қазақстан» бағдарламасы аясында Қарағанды қаласының білім бөлімі «Шаг» компьютерлік академиясымен бірлесіп I оқышулар хакатонын және бағдарламалау бойынша "ITeens-2019"олимпиадасын ұйымдастырды. Қазір «ақылды» қала тақырыбы өте өзекті. Біз «ақылды» тұрақ нақты бағытын таңдадық. Шараға қаланың 25 ұйымынан 9-15 жас аралығындағы 140 бала қатысты. Мемлекеттік мектептер мен жеке меншік мекемелердің оқушылары жарысты, - деді Қалалық білім бөлімінің әдіскері Айнагүл Исаева.
Қатысушылар қойылған міндеттерді IT-технологияларды пайдалана отырып, белгілі бір уақыт ішінде шешулері тиіс болатын.
Хакатон алты санат бойынша өткізілді: «ойын әзірлеу», «Arduino робот техникасы», «Web-дизайн», «3D үлгілеу», «Анимация/бейнемонтаж», «Графика». Комиссия 9-11 және 12-15 жас аралығында жеңімпаздар мен жүлдегерлерді таңдады.
- Интернетте бізге ұсынылған тақырыпта флеш-ойындар өте көп. Бірақ менің негізге алғандарымда шынайылық жетіспеді. Қандай да бір пластмасса және картон қозғалыстары. Мен бұл мәселені түзеп, физиканы, массаны қостым. Жобаны жасап шығуға бізге 4 сағат берілді. Ойын қиын емес, бірақ пайдалы. Оның көмегімен балалар өздерін жүргізуші ретінде сезінеді деп ойлаймын,-дейді № 93 гимназияның 10 сынып оқушысы Бауыржан Талғатов.
Хакатонның жеңімпаздары мен жүлдегерлері дипломдармен және бағалы сыйлықтармен марапатталды. Қалған қатысушылар сертификаттар алды.
Қаланың үздік жас IT-шниктері мен бағдарламалаушылары мамыр өтетін Хакатонның облыстық турына шықты.