SENIM кәсіподағының шәкіртақысына Қарағанды және Балқаш қалаларының медициналық колледждерінің екі студенті ие болды

Қарағанды жоғары медициналық интерколледжінің үшінші курс студенті Дана Сержанова мен Балқаш қаласының болашақ фельдшері Ажарлым Орынбек медицина қызметкерлері кәсіподағынан 20 мың теңге көлемінде стипендия алды. Атаулы сертификаттарды «Денсаулық сақтау жүйесі жұмыскерлерінің SENIM салалық кәсіптік одағы» ӨҚБ Қарағанды филиалының төрағасы Ноян Бидайбаев табыстады.

– Мен медбикеге оқимын, бірақ болашақта кардиохирург болғым келеді. Қазір үшінші курстамын.  Медицина қызметкерлеріне жүктелген барлық жауапкершілікті түсінемін. Мен ақылы негізде оқимын, сондықтан шәкіртақыға өте қуаныштымын. Осы жылдар бойы мен өте тырыстым, жақсы оқыдым, колледждегі барлық іс-шараларға белсенді қатыстым, – деді Дана Сержанова.

Ажарлым Орынбек Балқаш қаласының медициналық колледжінде фельдшер мамандығы бойынша оқиды. Бойжеткен ЖОО-да оқуын жалғастырғысы келетінін мойындайды, бірақ оны жұмыспен біріктіргісі келеді.

– Мен соңғы курста оқып, колледжді бітіргеннен кейін тезірек аяққа тұрып, жақсы тәжірибе алу үшін жұмыс істеуді және оқуды жоспарлап отырмын. Мен үздік оқимын, әрдайым түрлі іс-шараларға қатысуға, дамуға тырысамын. Шәкіртақыға ие болғаныма өте қуаныштымын, – деп бөлісті Ажарлым.